செய்திகள் 
ஆந்திர மாநில அரசின் கல்வி மற்றும் வேலைவாய்ப்பில் முஸ்லிம்களுக்கு வழங்கப்பட்ட 4% இடஒதுக்கீட்டை அம்மாநில உயர்நீதிமன்றம் ரத்து செய்துள்ளது.ஆந்திரப் பிரதேசத்தில் கல்வி மற்றும் வேலைவாய்ப்பில் முஸ்லிம்களுக்கு 4 சதவீத இடஒதுக்கீடு வழங்கும் சட்டம் 3 ஆண்டுகளுக்கு முன்பு காங்கிரஸ் அரசால் அமல்படுத்தபட்டது. இந்தச் சட்டத்தை எதிர்த்து சில அமைப்புகள் உயர்நீதிமன்றத்தில் வழக்குத் தொடர்ந்தன. இவ்வழக்கின் மீதான தீர்ப்பு இன்று(08/02/2010) வழங்கப்பட்டது.
தீர்ப்பில், "சிறுபான்மையினருக்கு இடஒதுக்கீடு வழங்குவது அரசியல் சட்டத்துக்கு விரோதமானது. இந்தச் சட்டத்தை அமல்படுத்த முடியாது" என கூறப்பட்டுள்ளது. எனினும் "கடந்த 2007-ம் ஆண்டிலிருந்து இதுவரை இந்தச் சட்டப்படி இடஒதுக்கீடு பெற்றது செல்லும்" எனவும் அத்தீர்ப்பில் தெரிவிக்கப்பட்டுள்ளது.
கடந்த 2004-ம் ஆண்டு முதல் முஸ்லிம்களுக்கான இடஒதுக்கீட்டை ஆந்திர உயர் நீதிமன்றம் ரத்து செய்வது இது மூன்றாவது முறையாகும். 2004-ல் ஆந்திர மாநில அரசு முஸ்லிம்களுக்கு 5 சதவீத இடஒதுக்கீடு வழங்கியபோது, இதே போன்று ஆந்திர மாநில உயர் நீதிமன்றம் அதனை ரத்து செய்தது.
அதன்பிறகு நீதிமன்ற வழிகாட்டுதலின்படி, பிற்படுத்தப்பட்டோர் ஆணையம் மாற்றிமைக்கப்பட்டு முஸ்லிம்களுக்கு 5% இடஒதுக்கீடு வழங்கப்பட்டது. எனினும் மொத்த இடஒதுக்கீடு 50 சதவீதத்தைத் தாண்டுவதாகக் கூறி அதையும் உயர்நீதிமன்றம் மீண்டும் ரத்து செய்தது.
இதன்பிறகு மொத்த இடஒதுக்கீட்டை 50 சதவீதத்துக்குள் அடக்கும்படியாக முஸ்லிம்களுக்கான இடஒதுக்கீட்டை 4 சதவீதமாக மாற்றியமைக்கப்பட்ட அவசரச் சட்டம் பிறப்பிக்கப்பட்டது. அதன் மீதும் தொடரப்பட்ட வழக்கில் மீண்டும் மூன்றாவது முறையாக முஸ்லிம்களுக்கான இடஒதுக்கீட்டை ஆந்திர மாநில உயர்நீதி மன்றம் ரத்து செய்துள்ளது குறிப்பிடத்தக்கது.
இச்செய்தியை நண்பருக்கு அனுப்ப
கருத்துக்கள் (2)
பதிவான கருத்துக்களை வாசிக்க...
கருத்து எழுதுக
உங்கள் கருத்தை எழுத...
| < முந்தையது | அடுத்தது > |
|---|
