இந்நேரம்.காம்

உலகில் 2012 ஆம் ஆண்டில் நடைபெற உள்ள பிரதான நிகழ்வுகள்:

ஜனவரி 1 : சீனாவின் டிராகன் ஆண்டு தொடக்கம்.

ஜனவரி 2: அஜெர்பெய்ஜான், பாகிஸ்தான், மொரொக்கோ, குவாட்டிமாலா, டோகோ ஆகிய நாடுகளுக்கு ஐ.நா பாதுகாப்புக் குழுமத்தில் நிரந்தரமற்ற உறுப்பினர் இருக்கை வழங்கப்படுகிறது.

பிப்ரவரி 3: நாவலாசிரியர் சார்லஸ் டிக்கன்ஸ்சின் இரண்டாம் நூற்றாண்டு விழா சுமார் 50 நாடுகளில் கலைவிழாக்களாகக் கொண்டாடப்படுகிறது.

பிப்ரவரி 4 : பிரிட்டிஷ் அரியணையில் எலிசபெத் ராணியின் அறுபதாம் ஆண்டுத் தொடக்கம்.

மார்ச் 5 : டிமிட்ரி மெட்வடேவ்விடம் பொறுப்புகளை ஒப்படைத்து மறு களம் காண தயாராகிறார் ரஷ்ய அதிபர் விளாடிமீர் புதின்.

ஏப்ரல் 6 : பிரசித்திப் பெற்ற டைட்டானிக் கடல்விபத்து நினைவார்த்தமாக 12 இரவு கடற்பயணம் ஏற்பாடு.

ஏப்ரல் 7 : ஃப்ரான்ஸின் அதிபர் தேர்தலில் சோசலிசக் கட்சியின் ஃப்ரான்காய்ஸ் ஹோலந்த், நிகோலஸ் சர்கோஸியுடன் மோதுகிறார்.

ஏப்ரல் 19 -21 : இந்தியாவின் "பசுமை இந்தியா" இயக்கம் நடத்தும் ஆற்றல் மறுசுழற்சி மாநாடு.

மே 8 : முழுவளைய வடிவில் சூரியகிரகணத்தை சீனா, ஜப்பான், அமெரிக்கா, கனடா ஆகிய நாடுகள் அடையும். இந்தச் சூரிய கிரகணமானது குவான்ஸோ, டோக்யோ அல்புக்கெரெக் நகரங்கள் மையப்படுத்தியதாக அமையும்.

ஜூன் 9 : பிப்ரவரி 2011 ல் தொடங்கிய புரட்சியின் கனியாக, எகிப்துக்குப் புதிய அதிபர் தேர்ந்தெடுக்கப்படுகிறார்.

ஜுன் 10 : போலந்தும், உக்ரைனும் ஒன்றிணைந்து Euro2012 கால்பந்து போட்டியை நடத்துகின்றன.

ஜூலை 11 : மூன்றாவது முறையாக ஒலிம்பிக் நடத்தும் பெருமையை இலண்டன் நகரம் பெறுகிறது. 1908, 1948 ஆகிய வருடங்களில் இதற்கு முன்பு அங்கு  ஒலிம்பிக் நடத்தப்பட்டது.

ஆகஸ்ட் 13 : செவ்வாயில் உயிர்கள் வாழ்வதற்கான தகவமைப்பு இருக்கிறதா என்று ஆய்வு செய்ய 2.5 பில்லியன் டாலர்கள் செலவில் நவம்பர் 2011ல் நாசாவால் ஏவப்பட்ட செவ்வாய் விஞ்ஞான ஆய்வகம், செவ்வாய் கிரகத்தில் கால்பதிக்க உள்ளது.

செப்டம்பர் 14 : ஆஃப்கனில் உள்ள 101,000 துருப்புகளில் ஜூன் 2011 ல் திரும்பப் பெற்றது போக மீதமுள்ள 68,000 ல் மேலும் 33,000 துருப்புகளை அமெரிக்க அரசு திரும்பப் பெறுவதற்கான இறுதி நாள்.

அக்டோபர் 15 : சீனாவில் தலைமை மாற்றம். பத்தாண்டுகளில் நிகழ்த்தும் பாரிய மாற்றமாக, சீன கம்யூனிஸ்ட் கட்சி ஹு ஜிண்டாவுவை  மாற்றி தற்போதைய துணைத்தலைவர் Xi Jinping ஐ கட்சியின் பொதுச்செயலாளராகவும், நாட்டின் தலைவராகவும் நியமிக்கிறது.

நவம்பர் 16 : அமெரிக்க அதிபர் தேர்தலில் பராக் ஹுசைன் ஒபாமா, இரண்டாவது மற்றும் இறுதி களநிலைக்குத் தயாராகிறார். அவரை எதிர்த்துப் போட்டியிட உள்ள குடியரசுக் கட்சி வேட்பாளர் இதுவரை அறிவிக்கப்படவில்லை.

நவம்பர் 17 : ஃபார்முலா1 கார் பந்தயம் ஐந்தாண்டுகளுக்குப் பிறகு அமெரிக்காவில் நடைபெற உள்ளது.

டிசம்பர் 18 : தென்னாப்பிரிக்காவை ஆண்டுவரும் ஆஃப்ரிக்கன் நேஷனல் காங்கிரஸ் 2014 தேர்தலுக்கான தனது வேட்பாளரை அறிவிப்பு செய்கிறது.