காலத்தின் கரங்களில்....

காலத்தின் கரங்களில்.. பிரியத்தின் மென்விரல் மீது
படர்ந்திருக்கிறது
கோபமாய் பழுத்த
கொப்பளமொன்று!

செய்திக் கிருமியொன்று
செவியில் நுழைந்து
உறுத்தல் கொண்டு
உள்ளே குடைந்து..
செல்களை அரித்து
சிதைத்துச் சீழுற்று...

கோபமாய் பழுத்த
கொப்பளம் உனது!

வெயில் போல காய்கிறது
மெளனம்.

நேரடி சிகிச்சைக்கு
நீ தயாரில்லை எனினும்
காலத்தின் பச்சிலையிலோ
ஒரு களிம்புப் பேச்சிலோ
குணமாகக் கூடும்.
இன்றோ நாளையோ..

அறிந்தே வைத்திருக்கிறோம்
காலப் பெருவெளியில்
அணுவினணுவினணுவின்
அற்பத் துளிகள் நாமென்று!

- இப்னு ஹம்துன்

< முந்தைய செய்தியை வாசிக்க...		அடுத்த செய்தியை வாசிக்க... >

Comments

+1 # Mohamed Ali Jinnah 2012-01-26 12:29

சுகம் கிடைப்பது பல வகையில். அதில் ஒரு வகை பழுத்த கொப்பளத்த்தினை சுற்றி த்டவுவதிலும் கிடைக்கும்,அனைத்தும் மனதில் இருக்கும் பெருமிதத்தின் வெளிப்பாடு . 'காலத்தின் கரங்களில்' கவிதை மனதை நெருடி இனிய இன்பத்தினை தந்து அறிவை வளர வைக்கின்றது. இப்னு ஹம்துன் ஒரு சிறந்த கவிஞர்.அவரது அறிவின் ஜானத்தில் விளைந்த இந்த கவிதை அதற்கு ஒரு சான்று . அன்புடன் வாழ்த்துகள் தெரிவிப்பதில் பெரு மகிழ்வெய்துகின்றேன்.

பதில் | Reply with quote | Quote

+1 # Anvar 2012-01-26 12:31

Mikka arumaiyana kavithai , neenda idaivelikku pin paditthu purinthathu

பதில் | Reply with quote | Quote

+1 # shajahaan riyadh 2012-01-26 15:48

அருமையான கவிதை.. அவரவர் சூழலுக்கேற்றார் போல் படிப்பவர் கோணத்தில் பொருள் கொள்ளும் எளிய வகை நவீன கவிதை கவிஞருக்கு கைவந்த கலையாக இருக்கிறது..

பாராட்டுகளும் வாழ்த்துகளும் கவிஞருக்கு...

பதில் | Reply with quote | Quote