தேவராட்டம் - சினிமா விமர்சனம்

மே 02, 2019 5745

கௌதம் கார்த்திக் நடிப்பில் வெளியாகியுள்ள படம் தேவராட்டம்.

ஊரில் எந்த தப்பு நடந்தாலும் முதல் ஆளாக தட்டிக்கேட்கின்றார் கௌதம் கார்த்திக். 5 அக்காவிற்கு கடைசி தம்பியாக இருக்கும் இவரை எல்லோரும் தம்பி என்று பார்க்காமல் தங்கள் மகனாக நினைத்து வளர்க்கின்றனர். வக்கீலுக்கும் படிக்க வைக்கின்றனர்.

அந்த நேரத்தில் பெண்களை தவறாக படம்பிடிக்கும் ஒருவனை ஒரு பெண் நடுரோட்டில் செருப்பால் அடிக்க, அந்த வீடியோ ட்ரெண்ட் ஆகின்றது, ஆனால், அதை தொடர்ந்து அந்த பெண் கடத்தப்பட்ட பலரால் பலாத்காரம் செய்யப்பட்டு, மிக மோசமான நிலைக்கு வருகின்றார்.

அந்த கேஸ் கௌதம் கார்த்திக்கு வர, இந்த நாச வேலையை செய்தவன் ஊரில் பெரிய ரவுடியான பெப்சி விஜயன் மகனிடம் உதவி கேட்க, ஒரு கட்டத்தில் கௌதம் கார்த்திக்கும், பெப்சி விஜயன் மகனுக்கு மோதல் ஏற்பட, கௌதம் அவனை நடுரோட்டில் வெட்டி சாய்கிறார், பிறகு பெப்சி விஜயன் கௌதமை கொலை செய்தே தீர வேண்டும் என்று கங்கனம் கட்ட, பிறகு என்ன ஆனது என்பதே மீதிக்கதை.

கௌதம் கார்த்திக் இதுவரை நடித்த படங்களில் இதில் கொஞ்சம் வித்தியாசம் காட்டியுள்ளார், இவருக்கு எப்படி மதுரை பையன் கதாபாத்திரம் செட் ஆகும் என்று நினைத்தால், ஆறடி உயரம் முதல் காட்சியிலேயே தப்பு செய்தவர்களை அடித்து பறக்கவிடுவது, மதுரை பலபலக்குது பாடலுக்கு இறங்கி ஆடுவது என கச்சிதமாக செட் ஆகின்றார்.

மஞ்சிமாவிற்கு பெரிய வேலை இல்லை என்றாலும், கதையுடன் அவர் காட்சிகள் வருவது ரசிக்க வைக்கின்றது, சூரியின் காமெடி பல நாட்களுக்கு பிறகு சிரிக்க வைக்கின்றது, கௌதமின் மாமாவாக அவர் மட்டுமில்லாமல், மேலும் இருவர் செய்யும் கலாட்டா, கவுண்டர் என முதல் பாதி சில மணி நேரம் கலகலப்பாக்கின்றனர்.

பசி தெரியாத வளர்க்கனும்னு நினைச்சோம், இப்படி பயம் தெரியாம வளர்ந்துட்ட, என்று தன் தம்பிக்காக பாசத்தை பொழியும் அக்கா, அவருடைய கணவர் போஸ் வெங்கட் என அனைவருமே நல்ல நடிப்பை வெளிப்படுத்தியுள்ளனர், செண்டிமெண்டிற்கு பஞ்சமில்லை.

ஆனால், இதை வெறும் கமர்ஷியம் படம் என்று மட்டும் ஒதுக்கி சென்றுவிட முடியாது, ஜாதி பற்றியே படம் எடுக்கவில்லை என்று முத்தையா அடித்து சொன்னாலும், இன்று திரையரங்கில் ஒரு சில காட்சிகளுக்கும், வேல் கம்பு தூக்கியவர்கள் என்ற சொன்ன வசனத்திற்கு வந்த கைத்தட்டலுக்கும் முத்தையா எப்படி பதில் சொல்வார் என்று தெரியவில்லை.

முன்னுக்கு வர கவுதம் கார்த்திக் இன்னும் போராட வேண்டும். சொல்லிக் கொள்ளும்படி படத்தில் எதுவும் இல்லை.

- தல தளபதி

தற்போது வாசிக்கப்படுபவை!

செய்தியைத் தேட...