சினிமா விமர்சனங்களுக்கு தடை - தயாரிப்பாளர்கள் சங்கம் அதிரடி!

ஜூலை 09, 2019 234

சென்னை (09 ஜூலை 2019): யூடூபில் சினிமா விமர்சனம் என்ற பெயரில் தரக்குறைவாக விமர்சனம் செய்பவர்கள் மீது சட்ட ரீதியான நடவடிக்கை எடுக்கப்படும் என்று திரைப்பட தயாரிப்பாளர்கள் சங்கம் அறிவித்துள்ளது.

தமிழ் திரைப்பட தயாரிப்பாளர்கள் சங்கத்தின் ஆலோசனை குழு உறுப்பினர்கள் மற்றும் தென்னிந்திய திரைப்பட பத்திரிகை தொடர்பாளர்கள் யூனியன் நிர்வாகிகள் இணைந்து நேற்று ஒரு அறிக்கையை வெளியிட்டுள்ளனர். அந்த அறிக்கையில் கூறியிருப்பதாவது:

பத்திரிகையாளர்கள் சந்திப்பின்போது, தயாரிப்பாளர்களுக்கு ஏற்படும் கட்டுப்படுத்த முடியாத செலவுகள் குறித்து தயாரிப்பாளர் சங்கத்தில் ஆலோசனை நடத்தி சில முக்கிய முடிவுகள் எடுக்கப்பட்டன. அவையாவன :

பட பூஜை, ஆடியோ வெளியீட்டு விழா உள்ளிட்ட எந்தவொரு பத்திரிக்கையாளர் சந்திப்பின் போதும் பத்திரிக்கையாளர்களுக்கு எந்தவிதமான அன்பளிப்பும் வழங்கப்பட மாட்டாது.

சினிமா விழாக்களில் கலந்துகொள்ளும் பத்திரிகையாளர்கள் அனைவருக்கும் தேநீர், ஸ்நாக்ஸ் மட்டுமே வழங்கப்படும்.

விமர்சனம் என்ற பெயரில் திரைப்படங்களை, கலைஞர்களை வரம்பு மீறி தரக்குறைவாக விமர்சிக்கும் எந்த ஒரு நபரையும் தமிழ் சினிமா சார்ந்த எந்த ஒரு நிகழ்ச்சிக்கும் அழைப்பது இல்லை. மேலும், அவர்கள் மீது சட்டரீதியான கடுமையான நடவடிக்கை எடுக்கப்படும். என அந்த அறிக்கையில் தெரிவிக்கப்பட்டுள்ளது.

தற்போது வாசிக்கப்படுபவை!

செய்தியைத் தேட...