Thursday, 19 October 2017 16:38

புறக்கணிக்கப்பட்ட பேரறிஞரின் நூல் Featured

தமிழ் மொழியின் வரலாற்றில் மொழியியல் (Linguistic) துறையில் பல ஆய்வுகளை மேற்கொண்டு பல நூல்களை எழுதி வரலாறு படைத்தவர் மொழிநூல் மூதறிஞர் ஞா.தேவநேயப் பாவாணர் அவர்கள்.

பன்மொழிப் புலவராய் இருப்பதே அரிது. அவர்கள் Polyglot எனப்படுவர்.Linguistic Scholar எனும் நிலையை அடைதல் அதனினும் அரிது. அந்த வரிசையில் பாவாணருக்குப் பிறகு அவருடைய அடியொற்றி எனக்குத் தெரிய இடம்பிடித்தவர் M.R.M.முகம்மது ஹனீபா அவர்கள்

"சொற்பிறப்பியல் வியத்தகு உண்மைகள் உலகத் தாய்மொழி- தமிழ்" எனும் நூலை இரண்டு பாகங்களாகப் பன்னூறு பக்கங்களில் எழுதியவர் அவர்.

ஒரு மின்பொறியாளரின் நுண்மாண் நுழைபுலத்தாலும் உண்மை உழைப்பாலும் இந்த நூல் தமிழுக்கு நிலைத்த பயனும் புகழும் தரவல்லது.

பல்கலைக் கழகங்கள் படித்துப் பயிலவும் ஆய்வு மேற்கொள்ளவும் உதவ வல்ல அரிய நூல் இது.

இந்த நூலை மக்களிடம் விற்றுப் பரப்பக் கூட சிலர் மறுத்தனர்,சில கிடைக்க வேண்டிய சிறப்புகளைத் தடுத்தனர் என்பது கசப்பான உண்மை.

இதோ அந்தப் பேரறிஞர் கண்மூடிவிட்டார்.

இது போன்றவற்றை இனியேனும் தமிழ்ச் சமுதாயம் கண் விழித்துப் பார்க்குமா?

நன்றி: ஏம்பல் தஜம்முல் முஹம்மது

Add comment
Inneram.com moderator has right to block inappropriate comments. Please comment responsibly.