சிறுமி வன்புணர்வு செய்யப் பட்ட வழக்கில் தூக்கு - அதிவேக தீர்ப்பு!

September 02, 2018

ஜெய்ப்பூர் (02 செப் 2018): ராஜஸ்தானில் சிறுமி வன்புணர்வு செய்யப் பட்ட வழக்கில் குற்றவாளிக்கு தூக்கு தண்டனை வழங்கி நீதிமன்றம் தீர்ப்பளித்துள்ளது.

ராஜஸ்தான் மாநிலம் ஜூகுன்ஜூ பகுதியில் 3 வயது சிறுமி கடந்த 2-ந் தேதி பாலியல் பலாத்காரம் செய்யப்பட்டார். இது தொடர்பாக போலீசார் வினோத்குமார் (வயது 29) என்பவரை கைது செய்தனர்.

இது தொடர்பான வழக்கு ஜூகுன்ஜூ மாவட்ட நீதிமன்றத்தில் நடந்து வந்தது. இந்த வழக்கில் கடந்த 13-ந் தேதி குற்றப்பத்திரிகை தாக்கல் செய்யப்பட்டது. கடந்த 30-ந் தேதி சிறுமியை பலாத்காரம் செய்த குற்றத்துக்காக வினோத்குமார் குற்றவாளியாக அறிவிக்கப்பட்டார். நேற்று முன்தினம் இந்த வழக்கில் தீர்ப்பு வழங்கப்பட்டது. அதில் வினோத்குமாருக்கு போக்சோ சட்டத்தின் கீழ் மரண தண்டனை விதிக்கப்பட்டுள்ளது.

தீர்ப்பின்போது நீதிபதி கண்ணீர் விட்டது குறிப்பிடத்தக்கது.

Search!

தற்போது வாசிக்கப்படுபவை!