வட மாநிலங்களில் மோடிக்கு எதிராக தொடரும் கருப்புக் கொடி!

பிப்ரவரி 09, 2019 158

கவுஹாத்தி (09 பிப் 2019): அஸ்ஸாமில் மோடிக்கு எதிராக தொடர்ந்து இரண்டாவது நாளாக கருப்புக் கொடி போராட்டம் நடைபெற்று வருகிறது.

5 நாட்களில் 10 மாநிலங்களுக்கு பயணம் செய்ய உள்ள பிரதமர் மோடி அதன் ஒரு பகுதியாக நேற்று கவுகாத்திக்கு சென்ற போது அவருக்கு பலரும் கருப்புக் கொடி காட்டினர். 2019 நாடாளுமன்ற தேர்தலுக்கான பணிகளை அனைத்துக் கட்சிகளும் தொடங்கிவிட்ட நிலையில் பிரதமர் மோடி தொடர்ந்து பல மாநிலங்களுக்கு பயணம் மேற்கொண்டு வருகிறார்.

அதன் ஒரு பகுதியாக தற்போது அவர் அசாம், அருணாச்சல் பிரதேசம், திருப்புராவுக்கு பயணம் மேற்கொண்டுள்ளார். அருணாச்சல் பிரதேசத்தில் உள்ள ஹொளாங்கி பகுதியில் விமான நிலையம் கட்ட அடிக்கல் நாட்டுவது, கவுகாதியில் 6 வழி பாலம், சான்ங்சாரியில் எய்ம்ஸ் மருத்துவமனை கட்ட அடிக்கல் நாட்டுவது உட்பட நலத்திட்டங்களை அவர் அங்கு துவங்கி வைக்கிறார்.

இந்நிலையில் பிரதமர் மோடி கவுகாதி சென்ற போது அசாம் மாணவர்கள் சங்கம் போராட்டம் நடத்தியதோடு கருப்புக் கொடி காட்டினர். விமான நிலையத்தில் இருந்து ராஜ்பவன் சென்ற மோடிக்கு அவர்கள் கருப்பு கொடி காட்டினர்.

AASU உறுப்பினர்கள் பலர் பிரதம மந்திரிக்கு கறுப்பு கொடிகளை அசைத்துள்ளனர். கோவாத்தி பல்கலைக்கழகத்தின் நுழைவாயில்களை 6.30 மணியளவில் கடந்து சென்றனர். சில நிமிடங்கள் கழித்து M G ரோடில் உள்ள AASU தலைமையகத்தின் வளாகத்தை கடந்து வந்தார்.

அப்போது, 'மோடி திரும்பிப் போ', 'ஸ்க்ராப் குடியுரிமை திருத்தம் மசோதா', 'ஜோய் ஆய் அசோம் (அன்னைக்கு மகிமை)' போன்ற கோஷங்கள் எழுப்பினர்.

இதனிடையே மோடிக்கு எதிரான போராட்டத்தை அடுத்து அஸ்ஸாமில் 144 தடை உத்தரவு பிறப்பிக்கப் பட்டுள்ளது.

தற்போது வாசிக்கப்படுபவை!

செய்தியைத் தேட...