எத்தியோப்பியா விமான விபத்தை அடுத்து இந்தியா உள்ளிட்ட நாடுகளில் 737 விமானங்களுக்கு தடை!

மார்ச் 13, 2019 303

புதுடெல்லி (13 மார்ச் 2019): எத்தியோபியா விமான விபத்து எதிரொலியாக போயிங் 737 மேக்ஸ் ரக விமானங்களை இயக்க பல்வேறு நாடுகளில் தடை விதிக்கப்பட்டுள்ள நிலையில் இந்தியாவிலும் தடை விதிக்கப் பட்டுள்ளது.

எத்தியோப்பியா நாட்டின் தலைநகரான அடிஸ் அபாபா நகரில் இருந்து கென்யா தலைநகர் நைரோபி நோக்கிச் சென்ற எத்தியோப்பியா ஏர்லைன்ஸ் விமானம் கடந்த சில நாட்களுக்கு முன் விழுந்து நொறுங்கியது. இதில் பயணித்த 8 இந்தியர்கள் உள்பட 157 பேர் உயிரிழந்தனர். இதையடுத்து, விபத்துக்குள்ளான போயிங் 737 மேக்ஸ்-8 ரக விமானங்களை தரையிறக்கி நிறுத்தி வைக்க சீன அரசு உத்தரவிட்டது.

தொடர்ந்து, ஆஸ்திரேலியா, மலேசியா, சிங்கப்பூர், பிரிட்டன் ஆகிய நாடுகளும் 737 ரக விமானத்தை இயக்க தடை விதித்தன. இந்நிலையில் இந்தியாவிலும் போயிங் 737-ஐ இயக்க தடை விதிக்க டி.ஜி,சி.ஏ எனப்படும் உள்நாட்டு விமான போக்குரத்து இயக்குனர் ஜெனரல் முடிவு எடுத்துள்ளதாக தகவல் வெளியாகியுள்ளது.

தற்போது வாசிக்கப்படுபவை!

செய்தியைத் தேட...