மோடி பங்கேற்கும் விழாவில் மு.க.ஸ்டாலின் பங்கேற்பு!

மே 28, 2019 476

சென்னை (28 மே 2019): ஆந்திர முதல்வராக ஜெகன்மோகன் ரெட்டி பதவியேற்கும் விழாவில் திமுக தலைவர் மு.க.ஸ்டாலின் பங்கேற்கிறார்.

ஆந்திர முதல்வராக ஒய்.எஸ்.ஆர். காங்கிரஸ் தலைவர் ஜெகன்மோகன் ரெட்டி வரும் 30-ம் தேதி பதவியேற்க உள்ளார். ஜெகன்மோகன் ரெட்டி பதவியேற்பு விழாவில் பங்கேற்கும்படி பிரதமர் மோடி, பாஜக தலைவர் அமித் ஷா உள்ளிட்ட பல்வேறு தலைவர்களுக்கு அழைப்பு விடுக்கப்பட்டுள்ளது.

திமுக தலைவர் மு.க. ஸ்டாலினுக்கும் அழைப்பு விடுக்கப்பட்டது. அழைப்பை ஏற்று, நாளை மறுநாள் நடைபெறும் பதவியேற்பு விழாவில் திமுக தலைவர் மு.க.ஸ்டாலின் பங்கேற்க உள்ளார்.

ஜெகன்மோகன் ரெட்டியின் பதவியேற்பு விழாவில் கலந்து கொள்ள தெலுங்கு தேசம் கட்சி தலைவர் சந்திரபாபு நாயுடுவுக்கும் அழைப்பு விடுக்கப்பட்டுள்ளது. ஜெகன்மோகன் ரெட்டி சந்திரபாபு நாயுடுவை தொலைபேசியில் தொடர்பு கொண்டு அழைப்பு விடுத்தது குறிப்பிடத்தக்கது.

தற்போது வாசிக்கப்படுபவை!

செய்தியைத் தேட...