புதுடெல்லி (31 டிச 2020): இந்தியாவில் மேலும் ஐந்து பேருக்கு மரபணு மாற்றப்பட்ட கோவிட் நோய் இருப்பது கண்டறியப்பட்டுள்ளது, இதன் மூலம் மொத்த நோயாளிகளின் எண்ணிக்கையை 25 ஆக உயர்ந்துள்ளது.
புனேவில் உள்ள தேசிய வைராலஜி நிறுவனம் நேற்று உறுதிப்படுத்தப்பட்ட ஐந்து வழக்குகளில் நான்கு கண்டறியப்பட்டது. இந்த நோய் கண்டறியப்பட்டவர்கள் தனிமைப்படுத்தி வைக்கப்பட்டுள்ளனர். பல்வேறு மாநிலங்களில் இருந்து சேகரிக்கப்பட்ட கோவிட் மாதிரிகள் பல்வேறு ஆய்வகங்களில் சோதனை செய்யப்படுகின்றன. நிம்ஹான்ஸ் பெங்களூர், சி.சி.எம்.பி ஹைதராபாத், என்.ஐ.வி புனே, என்.சி.டி.சி டெல்லி, ஐ.ஜி.ஐ.பி டெல்லி மற்றும் என்.ஐ.பி.ஜி கல்யாணி ஆகிய இடங்களில் மாதிரிகள் சோதனை செய்யப்படுகின்றன.
நவம்பர் 25 முதல் டிசம்பர் 23 வரை, இங்கிலாந்திலிருந்து பல்வேறு விமான நிலையங்கள் வழியாக 33,000 பேர் இந்தியா வந்தடைந்தனர். அவற்களைக் கண்டுபிடித்து ஆர்டி பி.சி.ஆர் பரிசோதனை நடத்த முயற்சிகள் மேற்கொள்ளப்படுகின்றன.
மரபணு மாற்றத்தை சோதிக்க கோவிட் நாடு முழுவதும் 10 ஆய்வகங்களைத் தேர்ந்தெடுக்கப் பட்டுள்ளன.. அவை என்ஐபிஎம்ஜி கொல்கத்தா, ஐஎல்எஸ் புவனேஸ்வர், என்ஐவி புனே, சிசிஎஸ் புனே, சிசிஎம்பி ஹைதராபாத், சிடிஎஃப்டி ஹைதராபாத், இன்சைட் பெங்களூர், நிம்ஹான்ஸ் பெங்களூர், ஐஜிபி டெல்லி மற்றும் என்சிடிசி டெல்லி ஆகியவனவாகும்.
