அஸ்ஸாமில் ஒரே மாதத்தில் மூன்று மதரஸாக்கள் இடிப்பு!

போங்கைகான் (31 ஆக 2022) அசாம் மாநிலத்தில் “பயங்கரவாத அமைப்புடன்” தொடர்புடையதாக எழுந்த குற்றச்சாட்டை அடுத்து , போங்கைகான் மாவட்டத்தில் உள்ள ஒரு மதரஸாவை இடிக்க அசாம் அரசு புதன்கிழமை காலை உத்தரவிட்டுள்ளது.

மார்கசூல் மஆரிஃப் குவாரியானா மதரஸா வளாகம் பயங்கரவாத நடவடிக்கைகளுக்கு பயன்படுத்தப்படுவதாக மாவட்ட நிர்வாகம் குற்றம் சாட்டியுள்ளது. இதனை அடுத்து அந்த மதரசாவை இடிக்க அஸ்ஸாம் அரசு உத்தரவிட்டுள்ளது.

இந்த மதர்ஸாவை பிடிப்பதற்காக செவ்வாயன்று, அதிகாரிகள் கட்டிடத்தில் இருந்து குறைந்தது 224 மாணவர்கள் அப்புறப்படுத்தப்பட்டனர். முன்னதாக போலீசார் அந்த வளாகத்தை சோதனையிட்டதில், அன்சருல்லா பங்களா டீம் (ABT) என்ற அமைப்புடன் தொடர்புடையதாகக் கூறப்படும் சில ஆவணங்கள் கிடைத்ததாக தெரிவித்தனர்.

இதன் மூலம் அஸ்ஸாமில் இந்த மாதத்தில் இடிக்கப்படும் மூன்றாவது மதரஸா இது என்பது குறிப்பிடத்தக்கது.

ஏற்கனவே அஸ்ஸாம் அரசு பாரபெட்டா மாவட்டத்தில் உள்ள ஷைகுல் ஹிந்த் மஹ்முதுல் ஹசன் ஜாமியுல் ஹுதா இஸ்லாமிய அகாடமி என்ற மற்றொரு மதரஸாவை இடித்தது. இந்த நிறுவனம் அரசு நிலத்தில் கட்டப்பட்டதாகவும், தீவிரவாத தொடர்புகள் இருப்பதாகவும் கூறி அந்த மதரசாவை அசாம் அரசு இடித்தது.

இந்த மாத தொடக்கத்தில், மாநிலத்தின் மோரிகான் மாவட்டத்தில் மொய்ராபரி பகுதியில் உள்ள ஜாமியுல் ஹுதா மதரஸா, என்ற மதரசாவும் இடிக்கப்பட்டது.

அசாமில் தற்போது அரசு நடத்தும் மதரஸாக்கள் எதுவும் இல்லை, ஏனெனில் அவை சமீபத்தில் வழக்கமான பள்ளிகளாக மாற்றப்பட்டுள்ளன.

ஹாட் நியூஸ்:

சவூதியில் வீட்டு வேலை செய்பவரின் இக்காமாவை மூன்று மாதத்திற்கு புதுப்பிக்க முடியுமா?

ரியாத் (27 ஜன 2023): சவூதி அரேபியாவில் பணியாளர்கள் விசாவில் இருப்பவர்கள் 3, 6 மாதங்கள் மற்றும் ஒரு வருடத்திற்கு இக்காமாவை புதுப்பிக்கலாம் ஆனால் வீட்டு விசாவில் உள்ளவர்கள் ஒரு வருடத்திற்கு மட்டுமே...

அமெரிக்காவின் கலிபோர்னியா மாகாணத்தில் துப்பாக்கிச் சூடு – 10 பேர் பலி!

கலிபோர்னியா (23 ஜன 2023): அமெரிக்காவின் கலிபோர்னியாவில் உள்ள மான்டேரி பூங்காவில் நடந்த துப்பாக்கிச் சூடு சம்பவத்தில் 10 பேர் வரை கொல்லப்பட்டதாக தகவல்கள் தெரிவிக்கின்றன. அமெரிக்காவின் கலிபோர்னியா மாகாணத்தில் உள்ள மான்டேரி பூங்காவில்...

அனல் பறக்கும் ஈரோடு தேர்தல் களம் – திமுக கூட்டணிக்கு கமல் ஹாசன் ஆதரவு?

சென்னை (23 ஜன 2023): தமிழ்நாட்டில் பொதுத்தேர்தலுக்கு பிறகு, கொரோனா தாக்கம் காரணமாக அரசியல் களம் பெரும் பரபரப்பு இல்லாத நிலையிலேயே இருந்தன. இந்த சூழலில் ஈரோடு கிழக்கு தொகுதி இடைத்தேர்தல் தமிழக அரசியல்...