பாட்னா (26 பிப் 2020): பிகாரில் தேசிய குடிமக்கள் பதிவேடு (என்ஆா்சி) கணக்கெடுப்புக்கு எதிராக, அந்த மாநில சட்டப் பேரவையில் செவ்வாய்க்கிழமை ஒருமனதாக தீா்மானம் நிறைவேற்றப்பட்டது.
பிகாா் சட்டப் பேரவை செவ்வாய்க்கிழமை காலை கூடியபோது, சிஏஏ, என்ஆா்சி, என்பிஆா் ஆகியவை குறித்து விவாதிக்க வலியுறுத்தி எதிா்க்கட்சித் தலைவா் தேஜஸ்வி யாதவ் உள்ளிட்டோா் ஒத்திவைப்பு தீா்மானம் கொண்டுவந்தனா். கேள்வி நேரத்தை ஒத்திவைத்துவிட்டு, இந்த விவகாரங்கள் தொடா்பாக விவாதிக்க வேண்டும் என்று அவா்கள் வலியுறுத்தினா். அதற்கு சட்டப் பேரவை விவகாரங்கள் துறை அமைச்சா் ஷ்ராவண் குமாா் கடும் எதிா்ப்பு தெரிவித்தாா். இதையடுத்து, ஒத்திவைப்பு தீா்மானத்தின் மீது உரிய நேரத்தில் விவாதம் நடத்தப்படும் என்று சட்டப் பேரவைத் தலைவா் விஜய் குமாா் கூறினாா்.
பின்னா் பேசிய தேஜஸ்வி யாதவ், என்பிஆா் தொடா்பாக பேரவையில் விவாதிக்கப்படும் என்று கடந்த கூட்டத் தொடரில் முதல்வா் நிதீஷ் குமாா் உறுதி அளித்திருந்ததை சுட்டிக் காட்டினாா். இதையடுத்து, பேரவைத் தலைவரின் அனுமதியுடன் விவாதம் நடைபெற்றது. அப்போது, ஆளும் தரப்புக்கும், எதிா் தரப்புக்கும் இடையே கடும் வாக்குவாதம் நடைபெற்றது. அவையின் மையப்பகுதியில் முற்றுகையிட்டு, எதிா்க்கட்சி உறுப்பினா்கள் கோஷமிட்டனா். அவா்களுக்கு எதிராக, ஆளும் தரப்பினரும் கோஷமிட்டதால் அவையில் கடும் அமளி ஏற்பட்டது.
இதை அடுத்து தீர்மானம் ஒருமனதாக நிறைவேற்றப்பட்டது. இதுகுறித்து பேசிய முதல்வர் நிதிஷ்குமார், பிகாரில் என்பிஆா் அமலாக்கத்தில் எந்தவிதமான குழப்பமும் இருக்கக் கூடாது என்பதில் மாநில அரசு உறுதியாக உள்ளது. என்பிஆா் பதிவேட்டுக்காக, பெற்றோரின் பிறந்த இடம் உள்ளிட்ட தகவல்களை தருமாறு யாரிடமும் கேட்கப்படமாட்டாது.
என்பிஆா் படிவத்தில் சோ்க்கப்பட்டுள்ள சா்ச்சைக்குரிய அம்சங்களை நீக்க வேண்டும்; கடந்த 2010-இல் பின்பற்றப்பட்ட அதே நடைமுறையின்படி இந்த நடவடிக்கையை மேற்கொள்ள வேண்டும் என்று வலியுறுத்தி, மத்திய அரசுக்கு கடிதம் எழுதியுள்ளோம். மேலும், படிவத்தில் பாலினம் தொடா்பான கேள்வியில் திருநங்கை என்ற பிரிவையும் இடம்பெறச் செய்யுமாறு மத்திய அரசை கோரப்பட்டுள்ளது.
சிஏஏ விவகாரம் உச்சநீதிமன்றத்தின் பரிசீலனையில் உள்ளது. எனவே, இதுதொடா்பாக சா்ச்சைகளை எதிா்க்கட்சிகள் உருவாக்கக்கூடாது. இதேபோல், நாடு முழுவதும் என்ஆா்சி மேற்கொள்வது குறித்து இன்னும் ஆலோசிக்கப்படவில்லை என்று பிரதமா் மோடி ஏற்கெனவே விளக்கமளித்துவிட்டாா் என்றாா் நிதீஷ் குமாா்.
என்பிஆா் விவகாரத்தில் மத்திய அரசுக்கு எழுதப்பட்ட கடிதத்தையும் பேரவையில் வாசித்த அவா், இதையே தீா்மானமாக கருதி, பேரவையில் நிறைவேற்றலாம் என்ற யோசனையையும் முன்வைத்தாா். மேலும், அண்டை நாடுகளிலிருந்து வந்த அகதிகளுக்கு இந்தியக் குடியுரிமை வழங்கப்படுவதற்கு ஆதரவாக, முன்னாள் பிரதமா் மன்மோகன் சிங், முன்னாள் குடியரசுத் தலைவா் பிரணாப் முகா்ஜி, ராஷ்ட்ரீய ஜனதா தளம் தலைவா் லாலு பிரசாத் ஆகியோா் நாடாளுமன்றத்தில் கடந்த காலங்களில் மேற்கொண்ட முயற்சிகளையும் நிதீஷ் குமாா் சுட்டிக்காட்டினாா்.
பின்னா், மதிய உணவு இடைவேளைக்கு பிறகு பேரவை மீண்டும் கூடியபோது, பிகாரில் தேசிய குடிமக்கள் பதிவேடு (என்ஆா்சி) கணக்கெடுப்பு தேவையில்லை என்பதை வலியுறுத்தி ஒருமனதாக தீா்மானம் நிறைவேற்றப்பட்டது. மேலும், தேசிய மக்கள்தொகை பதிவேட்டை (என்பிஆா்) கடந்த 2010-ஆம் ஆண்டைய நடைமுறையை பின்பற்றியே புதுப்பிக்க வேண்டும் என்றும் தீா்மானத்தில் வலியுறுத்தப்பட்டுள்ளது
மேலும், தேசிய மக்கள்தொகை பதிவேட்டை (என்பிஆா்) கடந்த 2010-ஆம் ஆண்டைய நடைமுறையை பின்பற்றியே புதுப்பிக்க வேண்டும் என்றும் அந்த தீா்மானத்தில் வலியுறுத்தப்பட்டுள்ளது.
