சவூதி அரேபியா கோவிட் வரைமுறைப்படி வெளிநாட்டு பயணிகள் – முகீம் பதிவும் நடைமுறையும்!

ரியாத் (18 ஜுன் 2021): சவூதி அரேபியாவுக்கு வரும் அனைத்து வெளிநாட்டினரும் முகீம் போர்ட்டலில் பதிவு செய்ய வேண்டும் என்ற நிபந்தனை நேற்று முதல் நடைமுறைக்கு வந்தது.

கோவிட் 19 நடைமுறைகளின் ஒரு பகுதியாக சவூதி அரேபியாவிலும் வெளிநாட்டிலும் தடுப்பூசி போடப்பட்ட அல்லது போடாதவர்கள் சவூதி அரேபியாவுக்கு வரும்போது முகீம் பதிவு கட்டாயமாகும்.

சவூதி அரேபியாவுக்கு புறப்பட்ட 72 மணி நேரத்திற்குள் பதிவு முடிக்கப்பட வேண்டும். விமான நிலையங்கள் மற்றும் பிற எல்லை நுழைவுகளில் நெரிசலைக் குறைக்கவும் குடியேற்ற நடைமுறைகளை விரைவுபடுத்தவும் இது உதவும் என்று பாஸ்போர்ட் துறை தெரிவித்துள்ளது.

அதேவேளை கோவிட் தடுப்பூசி போடாதவர்கள் சவுதி அரேபியாவுக்குள் நுழைய அனுமதிக்கப்படுவார்கள். இருப்பினும், அவர்கள் சவுதி அரேபியாவுக்கு வந்தவுடன் தங்கள் சொந்த செலவில் ஏழு நாட்களுக்கு உரிமம் பெற்றுள்ள தனிமைப்படுத்தலுக்குள் இருக்க வேண்டும். இது குறித்த தகவல்களை முகீம் போர்ட்டலிலும் வெளியிட வேண்டும்.

முகீம் பதிவு முடிந்ததும் பயணிகள் குறித்த விவரங்கள் மற்றும் தடுப்பூசி சான்றிதழின் நகலை அவர்களிடம் வைத்திருக்க வேண்டும். தடுப்பூசி சான்றிதழில் பாஸ்போர்ட் எண், சவுதி அரேபியாவில் அனுமதிக்கப்பட்ட தடுப்பூசியின் பெயர், தடுப்பூசி பெறப்பட்ட தேதிகள் மற்றும் தொகுதி எண் ஆகியவை இருக்க வேண்டும்.

தற்போது சவுதி அரேபியாவிற்குள் நுழைய தடை விதிக்கப்பட்டுள்ள நாடுகளைச் சேர்ந்த அனைத்து வெளிநாட்டு சுகாதார ஊழியர்களும் 72 மணி நேரத்திற்குள் விமான நிலையத்தில் கோவிட் நெகட்டிவ் சான்றிதழைக் காட்ட வேண்டும். அவர்களுக்கு ஏற்கனவே இரண்டு டோஸ் தடுப்பூசி போடப்பட்டிருந்தால், அவர்கள் சவுதி அரேபியாவுக்கு வரும்போது தனிமைப்படுத்தல் தேவையில்லை. இருப்பினும், இரண்டு அளவு தடுப்பூசி எடுத்துக் கொள்ளாதவர்களுக்கு சவுதி அரேபியாவில் ஏழு நாள் நிறுவன தனிமைப்படுத்தல் கட்டாயமாகும். மேலும், முதல் மற்றும் ஏழாம் நாளில் பி.சி.ஆர் பரிசோதனை கட்டாயமாகும் என்று சுகாதார அமைச்சகம் தெளிவுபடுத்தியுள்ளது

ஹாட் நியூஸ்:

சவூதிஅரேபியாவில் ஒரே பிரசவத்தில் ஐந்து குழந்தைகளை பெற்றெடுத்த பெண்!

ரியாத் (24 ஜன 2023): சவூதி அரேபியா ரியாத்தில் ஒரே பிரசவத்தில் ஐந்து குழந்தைகளை ஒரு பெண் பெற்றெடுத்துள்ளார். கிங் ஃபஹத் மெடிக்கல் சிட்டியில் சவூதி நட்டு பெண்ணுக்கு ஒரே பிரசவத்தில் ஐந்து குழந்தைகள்...

மோடிக்கு எதிரான பிபிசியின் இரண்டாவது ஆவணப்படம் பேசுவது என்ன?

புதுடெல்லி (25 ஜன 2023): பல்வேறு சர்ச்சைகளுக்கு மத்தியில் பிரதமர் நரேந்திர மோடி குறித்த ஆவணப்படத்தின் இரண்டாம் பாகத்தை பிபிசி ஒளிபரப்பியது. 2019 ஆம் ஆண்டு மோடி ஆட்சிக்கு வந்த பிறகு குடியுரிமை திருத்தச்...

சவூதியில் மீண்டும் கனமழைக்கு வாய்ப்பு!

ரியாத் (28 ஜன 2023): சவுதி அரேபியாவில், எதிர்வரும் நாட்களில் கனமழை பெய்யும் என வானிலை ஆய்வு மையம் எச்சரிக்கை விடுத்துள்ளது. காலநிலை மாற்றத்தின் விளைவாக, சவூதி அரேபியாவின் பல்வேறு பகுதிகளில் குளிர் நிலவும்...