ஸ்டாலினை எதிர்த்து போட்டியிடப் போவது யார்?

August 26, 2018

சென்னை (26ஆக 2018): திமுக தலைவராக வேட்புமனு தாக்கல் செய்துள்ள ஸ்டாலினை எதிர்த்து யாரும் போட்டியிடப் போவதில்லை என தெரிவதால் ஸ்டாலின் திமுக தலைவராக தேர்ந்தெடுக்கப் படவுள்ளார்.

தி.மு.க தலைவர் கருணாநிதி வயது மூப்பின் காரணமாக மரணமடைந்தார். கடந்த 50 வருடமாக அவர் பதவி வகித்து வந்த நிலையில், தற்போது அவரது தி.மு.க தலைவர் பதவிக்கு தேர்தல் நடத்த முடிவு செய்யப்பட்டது.

இதையடுத்து, இன்று அந்த தேர்தலுக்கான வேட்பு மனுத்தாக்கல் இன்று நடைபெற்றது. மாலை 4 மணி வரை வேட்புமனு தாக்கல் செய்ய அனுமதிக்கப்பட்டிருந்த நிலையில், காலை மு.க ஸ்டாலின் வேட்பு மனுத்தாக்கல் செய்தார். அவரை எதிர்த்து யாரும் வேட்புமனுத்தாக்கல் செய்யவில்லை.

இதனால், திமுக தலைவராக மு.க ஸ்டாலின் போட்டியின்றி தேர்வாகிறார். நாளை மறுநாள் (ஆகஸ்ட் 28) அதிகாரப்பூர்வமாக பொதுக்குழுவில் அறிவிக்கப்டும் என எதிர்ப்பார்க்கப்படுகிறது.

Search!

தற்போது வாசிக்கப்படுபவை!