விஷ சாராய வழக்கில் குற்றவாளிகளின் தூக்குத் தண்டனை ரத்து!

செப்டம்பர் 20, 2018 477

சென்னை (20 செப் 2018): விஷ சாராயம் அருந்தி 13 பேர் பலியான வழக்கில் குற்றவாளிகள் 5 பேருக்கு வழங்கப் பட்ட தூக்குத் தண்டனையை சென்னை உயர் நீதி மன்றம் ரத்து செய்து உத்தரவிட்டுள்ளது.

திருவண்ணாமலை மாவட்டம் போளூரில் கடந்த 2000ம் ஆண்டில், விஷம் கலந்த சாராயத்தை குடித்து 13 பேர் உயிரிழந்த விவகாரம் தொடர்பாக கைது செய்யப்பட்ட ஜெயபால், முருகன், காளியப்பன், தில்லைக்கண்ணு, குமார் ஆகிய 5 பேருக்கு தூக்கு தண்டனை விதித்து மாவட்ட கோர்ட் கடந்த ஏப்ரல் மாதம் 27-ம் தேதி உத்தரவிட்டது.

மேலும், தூக்கு தண்டனை விதிக்கப்பட்ட 5 பேருக்கும் தலா, 5 ஆயிரம் ரூபாய் அபராதமும் விதித்து நீதிபதி புகழேந்தி தீர்ப்பு வழங்கினார்.

இந்த தண்டனையை எதித்து குற்றவாளிகள் சார்பில் சென்னை ஐகோர்ட்டில் மேல் முறையீடு செய்யப்பட்டது. இந்த மேல்முறையீட்டு மனு மீது இன்று தீர்ப்பு வழங்கிய நீதிபதிகள் 5 பேரின் தூக்குதண்டனையை ரத்து செய்தனர்.

தற்போது வாசிக்கப்படுபவை!

செய்தியைத் தேட...