அதிமுகவுக்குள் விஸ்வரூபம் எடுக்கும் பிரச்சனை - ராஜன் செல்லப்பாவுக்கு திண்டுக்கல் சீனிவாசன் பதில்!

ஜூன் 08, 2019 478

சென்னை (08 ஜூன் 2019): அதிமுகவுக்குள் மீண்டும் புகைச்சல் தொடங்கியுள்ளது.

அதிமுகவுற்கு ஒரே தலைமைத் தேவை என மதுரை தொகுதி அதிமுக எம்எல்ஏ ராஜன் செல்லப்பா பேசியது சர்ச்சைக்கு வித்திட்டுள்ளது. மேலும் அவர், தேர்தலில் வெற்றி பெற்ற பலர் மறைந்த கட்சியின் பொதுச்செயலாளர் ஜெயலலிதா சமாதிக்குப் போகாதது பற்றியும் கேள்வி எழுப்பியுள்ளார்.

நடந்து முடிந்த தேர்தலில் தேனி நாடாளுமன்ற உறுப்பினர் மட்டுமே ஜெயலலிதா நினைவிடத்தில் நன்றி செலுத்தியுள்ளார். சட்டப்பேரவை இடைத்தேர்தலில் வென்ற 9 பேர் இன்னும் ஜெயலலிதா சமாதிக்கு சென்று நன்றி தெரிவிக்காதது அவர்கள் குற்றமா? அல்லது தலைமையின் குற்றமா? அவர்களை தடுப்பது யார்? என ராஜன் செல்லப்பா தெரிவித்துள்ளார்.

இதனால் அதிமுகவில் மீண்டும் உட்கட்சி பூசல் எழுந்திருப்பதாக பேசப்படுகிறது. இந்நிலையில் இரட்டை தலைமையில் அதிமுக ஆளுமையுடன் உள்ளதாக அமைச்சர் திண்டுக்கல் சீனிவாசன் தெரிவித்துள்ளார். இடைத்தேர்தலில் வென்ற 9 எம்எல்ஏக்கள் ஜெயலலிதா நினைவிடத்தில் மரியாதை செலுத்த சென்றபோது அவர்கள் தடுக்கப்பட்டதாக கூறுவது பொய் எனவும் குறிப்பிட்டுள்ளார்.

அமைச்சர் ராஜேந்திர பாலாஜி கூறுகையில், “அதிமுகவில் ஒரே தலைமை வேண்டும் என ராஜன் செல்லப்பா கூறியது பற்றி கருத்து தெரிவித்தால் கட்சிக்குள் சலசலப்பை ஏற்படுத்திவிடும்” என்றார்.

அமைச்சர் அன்பழகன், “ஜெயலலிதாவை போல் ஓபிஎஸ் – ஈபிஎஸ் இருவரும் கட்சியையும், ஆட்சியையும் வழிநடத்துகிறார்கள். அதிமுகவுக்கு ஒற்றை தலைமை வேண்டும் என்பது ராஜன் செல்லப்பாவின் தனிப்பட்ட கருத்து” எனக் கூறியுள்ளார்.

தற்போது வாசிக்கப்படுபவை!

செய்தியைத் தேட...