காதலிக்க மறுத்த பள்ளி மாணவி வன்புணர்ந்து படுகொலை!

அக்டோபர் 17, 2019 460

மதுரை (17 அக் 2019): மதுரையில் பள்ளி மாணவி ஒருவர் காதலிக்க மறுத்ததை அடுத்து கொடூரமாக படுகொலை செய்யப் பட்டுள்ளார்.

மதுரை செல்லூரைச் சேர்ந்த 11ம் வகுப்பு மாணவி ஒருவர் கோயில் திருவிழாவில் கலந்துகொள்வதற்காக தனது சொந்த ஊரில் உள்ள பாட்டி வீட்டில் தங்கியுள்ளார். குளிப்பதற்காக தோட்டத்திற்கு சென்ற மாணவி நீண்ட நேரமாகியும் திரும்பாததால் உறவினர்கள் தோட்டத்திற்கு சென்று பார்த்துள்ளனர். அங்கு மாணவி சடலமாக இருப்பதை கண்டு அதிர்ச்சியடைத்து போலீசாருக்கு தகவல் அளித்தனர்.

ஓணாபட்டி கிராமத்தைச் சேர்ந்த மாதவன் என்பவரிடம் சந்தேகத்தின் பேரில் போலீசார் விசாரணை நடத்தினர். மாணவியை தான் காதலித்து வந்ததாகவும் திருமணத்திற்கு மாணவி சம்மதிக்காததால் தனது சகோதரருடன் சேர்ந்து மாணவியை பாலியல் வன்கொடுமை செய்து கொலை செய்ததாகவும் அவர் போலீசாரிடம் தெரிவித்தார். மாதவனின் சகோதரர் மதுவை போலீசார் தேடி வந்த நிலையில், உசிலம்பட்டி சார்பு நீதிமன்றத்தில் அவர் சரணடைந்தார். காதலிக்க மறுத்ததால் பள்ளி மாணவி கொலை செய்யப்பட்ட சம்பவம், உசிலம்பட்டிப் பகுதியில் பெரும் அதிர்ச்சியை ஏற்படுத்தியுள்ளது.

தற்போது வாசிக்கப்படுபவை!

செய்தியைத் தேட...