திமுக மீது முஸ்லீம் லீக் உள்ளிட்ட கட்சிகள் அதிருப்தி!

341

சென்னை (02 ஜன 2021): அகில இந்திய மஜ்லிஸ்-இ-இத்திஹாதுல் முஸ்லிமீன் (AIMIM) தலைவர் ஆசாதுதீன் ஒவைசியை அழைக்க திமுக தலைவர் ஸ்டாலின் முடிவு செய்துள்ள நிலையில், திமுகவின் முடிவு குறித்து அதன் கூட்டணி கட்சியான முஸ்லிம் லீக் அதிருப்தி அடைந்துள்ளது.

லீக்கைத் தவிர,திமுக ஏ கூட்டணியில் உள்ள இதர முஸ்லிம் கட்சிகளும் அதிருப்தியை வெளிப்படுத்தியுள்ளதாக தகவல்கள் தெரிவிக்கின்றன.

ஒவைசி மற்றும் திமுக தலைவர் எம்.கே.ஸ்டாலின் இடையேயான சந்திப்பு ஜனவரி 6 ஆம் தேதி சென்னையில் நடைபெறுவதாக செய்திகள் வெளியாகியுள்ளன.. மேலும் அதே நாளில் திமுக மாநாட்டிலும் ஒவைசி கலந்து கொள்வார் என்று திமுக சிறுபான்மை விவகாரங்களுக்கான கட்சி செயலாளர் டாக்டர். டி மஸ்தான் தெரிவித்துள்ளார்.

இதைப் படிச்சீங்களா?:  புதுச்சேரி அரசியலில் திடீர் பரபரப்பு - காங்கிரஸ் ஆட்சி கவிழுமா?

பீகார் தேர்தல் வெற்றியை தொடர்ந்து தமிழக சட்டப்பேரவையிலும் போட்டியிடுவதாக AIMIM முன்னர் அறிவித்திருந்தது. இதைத் தொடர்ந்து, கூட்டணி ஏற்படுவதற்கான சாத்தியக்கூறுகள் குறித்து விவாதிக்க ஒவைசி சென்னைக்கு வருவார் என்றும் அக்கட்சி சார்பில் தெரிவிக்கப்பட்டிருந்தது குறிப்பிடத்தக்கது