ராமேஸ்வரம் (19-07-16): மறைந்த முன்னாள் குடியரசுத் தலைவர் அப்துல் கலாம் நினைவிடத்தில் மணிமண்டபம் கட்டும் பணிக்கு வரும் 27-ம் தேதி அடிக்கல் நாட்டப்படும் என்று மத்திய பாதுகாப்பு அமைச்சர் மனோகர் பரிக்கர் மாநிலங்களவையில் தெரிவித்தார்.

சென்னை (19-07-16): சவுதி விமானத்தில் திடீரென ஏற்பட்ட இயந்திர கோளாறினால் 258 பயணிகள் அதிர்ஷ்டவசமாக உயிர் தப்பினர்.

புதுடெல்லி (19-07-16): மகாத்மா காந்தியை சுட்டுக் கொன்றது ஆர்.எஸ்.எஸ் தான் என்று கூறிய ராகுல் காந்தி மன்னிப்பு கேட்க வேண்டும் இல்லையென்றால் வழக்கை சந்திக்க வேண்டும் என உச்ச நீதிமன்றம் உத்தரவு பிறப்பித்துள்ளது.

காரைக்கால் (19-07-16): காரைக்கால் மார்க் கப்பல் துறைமுகத்தில், நேற்று பகல் ரூ.50 கோடி மதிப்பிலான ராட்சத கிரேனில் தீ விபத்து ஏற்பட்டது. 5 தீயணைப்பு வாகனங்கள் 2 மணி நேரம் போராடி தீயை அணைத்தது.

காரைக்கால் (19-07-16): உரிய நேரத்தில் பணிக்கு வராத ஊழியர்கள் மீது, துறைவாரியான நடவடிக்கை பாயும் என புதுச்சேரி வேளாண் அமைச்சர் கமலக்கண்ணன் எச்சரிக்கை விடுத்துள்ளார்.

பெர்லின் (19-07-16): ஜெர்மனியில் ரெயிலில் கோடாரியால் தாக்குதல் நடத்திய ஆப்கான் அகதி சிறுவனின் அறையில் இருந்து ஐ.எஸ். பயங்கரவாத கொடி கண்டுபிடிக்கப்பட்டுள்ளது.

பாட்னா (19-07-16): பீகாரில் நடைபெற்ற கண்ணிவெடி தாக்குதலில் 10 கமாண்டோ வீரர்கள் பலியாகினர்.

கோவை (19-07-16): சோலார் பேனல் மோசடி வழக்கில் தி.மு.க. முன்னாள் அமைச்சர் பழனிமாணிக்கத்திற்கு தொடர்பு இருப்பதாக சரிதா நாயர் குற்றஞ்சாட்டியுள்ளார்.

தற்போது வாசிக்கப்படுபவை!

செய்தியைத் தேட...