புதுடெல்லி (11 மார்ச் 2023): ஹோலி கொண்டாட்டத்தின் போது, ஜப்பானிய பெண்ணை இளைஞர்கள் பாலியல் வன்கொடுமை செய்த சம்பவம் அதிர்ச்சியை ஏற்படுத்தியுள்ளது.
டெல்லி பஹர்கஞ்ச் பகுதியில் இந்த சம்பவம் நடந்துள்ளது. சிறுமியை இளைஞர்கள் துஷ்பிரயோகம் செய்யும் வீடியோ வைரலாகி வருகிறது. வீடியோவில், இளைஞர்கள் குழு ஒன்று சிறுமியை கீழே பிடித்து வலுக்கட்டாயமாக வர்ணம் பூசி அவள் முகத்தில் தெளித்து, அவள் தலையில் முட்டைகளை வீசுகிறது.
இந்த சம்பவத்தில் குற்றம் சாட்டப்பட்டவர்கள் மீது கடுமையான நடவடிக்கை எடுக்க வேண்டும் என்று தேசிய மகளிர் ஆணைய தலைவர் ஸ்வாதி மாலிவால் உட்பட பலர் கோரிக்கை விடுத்துள்ளனர்.
சிறுமியின் முகம், கழுத்து மற்றும் நெற்றியில் வண்ணங்கள் பயன்படுத்தப்படுகின்றன. அந்த வீடியோவில் அவள் தப்பிக்க முயற்சிக்கிறார். எனினும் மற்றொரு ஆண் அவரை தலையில் அடிக்கிறார். இளைஞர்களின் தொல்லைகள் சிறுமியின் அந்தரங்க பகுதியிலும் ஊடுருவியுள்ளது. இச்சம்பவத்தை பார்த்தும் பல இளைஞர்களும் யுவதிகளும் சுற்றி நின்றுகொண்டிருந்தாலும், அந்த இளைஞர்களை தடுக்கவோ, சிறுமியை காப்பாற்றவோ யாரும் தயாராக இல்லை.
இந்த சம்பவத்தை கவனித்த டெல்லி மகளிர் ஆணையத்தின் தலைவர் ஸ்வாதி மாலிவால், சம்பவ இடத்துக்கு வந்து குற்றவாளிகள் மீது கடும் நடவடிக்கை எடுக்கக் கோரினார். வீடியோவை ஆய்வு செய்த பின்னர், சித்திரவதைக்கு காரணமானவர்களை கைது செய்ய டெல்லி காவல்துறைக்கு நோட்டீஸ் அனுப்பப்பட்டுள்ளதாக சுவாதி மாலிவால் தெரிவித்தார்.
இந்நிலையில் இதுகுறித்து ஸ்வாதி மாலிவால், வெளியிட்டுள்ள ட்விட்டர் பதிவில் “ஹோலி பண்டிகையின் போது வெளிநாட்டு பெண்கள் பாலியல் வன்கொடுமைக்கு ஆளாகும் வீடியோக்கள் சமூக வலைதளங்களில் வைரலாகி வருகின்றன. இந்த வீடியோக்களை ஆய்வு செய்து குற்றவாளிகளை கைது செய்ய டெல்லி காவல்துறைக்கு நோட்டீஸ் அனுப்பியுள்ளேன். முற்றிலும் வெட்கக்கேடான நடத்தை” என்று ஸ்வாதி மாலிவால் ட்வீட் செய்துள்ளார். மேலும் பாதிக்கப்பட்ட சிறுமியை தொடர்பு கொள்ள ஆணையம் முயற்சித்து வருகிறது.
இந்த வீடியோ கவனிக்கப்பட்டதாக மூத்த போலீஸ் அதிகாரி ஒருவர் தெரிவித்தார். ஆனால் இந்த சம்பவம் குறித்து பஹர்கஞ்ச் காவல் நிலையத்தில் புகார் எதுவும் வரவில்லை என்று அந்த அதிகாரி கூறுகிறார்.
https://twitter.com/i/status/1634045266591399937
“இளைஞரின் செயலால் சிறுமி மன உளைச்சலுக்கு ஆளாகியிருப்பது புரிகிறது. வீடியோவை ஆய்வு செய்து, தேவையான தகவல்களைக் கண்டறிய முயற்சித்து வருகிறோம். வீடியோவில் காணப்படும் அடையாளங்களின் அடிப்படையில், இது பஹர்கஞ்சில் இருப்பது போல் தெரிகிறது. அந்த பகுதியில் இதுபோன்ற சம்பவங்கள் நடந்ததா அல்லது வீடியோ பழையதா” என்று அதிகாரி ஒருவர் கூறினார்.
“சிறுமியின் அடையாளம் உள்ளிட்ட விவரங்களைப் பெற உதவி கோரி ஜப்பானிய தூதரகத்திற்கு மின்னஞ்சல் அனுப்பப்பட்டுள்ளது. பஹர்கஞ்ச் காவல் நிலையத்தின் SHO அப்பகுதியில் வசிக்கும் ஜப்பானியர்களின் தகவல்களை சேகரிக்கவும் இளைஞர்களை அடையாளம் காணவும் கேட்டுக் கொள்ளப்பட்டுள்ளது. வீடியோவில் பார்த்தது. சம்பவம் மற்றும் விவரங்களை சரிபார்த்த பிறகு தேவையான நடவடிக்கை எடுக்கப்படும்,” என்று அவர் மேலும் கூறினார்.
