லவ் ஜிஹாத் என்ற வார்த்தையே இல்லை – மத்திய உள்துறை அமைச்சகம் பதில்!

Share this News:

புதுடெல்லி (05 பிப் 2020): லவ் ஜிகாத் என்ற வார்த்தை, சட்டத்தின் கீழ் இல்லை அதைபோல் துக்டே துக்டே கேங்க் என்பது குறித்து தகவல் எதுவும் இல்லை என்று மத்திய உள்துறை அமைச்சகம் பதிலளித்துள்ளது.

‘துக்டே துக்டே கேங்க்’ என, எதிர்க்கட்சிகளை, பிரதமர் மோடி மற்றும் மத்திய உள்துறை அமைச்சர் அமித் ஷா உள்ளிட்டோர் விமர்சித்து வருகின்றனர். இந்த துக்டே துக்டே கேங்க் தொடர்பான தகவல் அளிக்கும்படி, மத்திய உள்துறை அமைச்சகத்துக்கு, சமூக ஆர்வலர் ஒருவர், தகவல் அறியும் உரிமை சட்டத்தில் கேட்டிருந்தார்.

இதற்கு உள்துறை அமைச்சகம் அளித்துள்ள பதிலில் ‘அது தொடர்பான தகவல் ஏதும் இல்லை’ என, தெரிவித்திருந்தது.

இந்த நிலையில், லவ் ஜிஹாத் குறித்தும் கேள்வி எழுப்பப் பட்டது. அதற்கு அப்படி எதுவும் சட்டத்தின் கீழ் இல்லை என்று மத்திய உள்துறை அமைச்சகம் பதிலளித்துள்ளது.

லவ் ஜிகாத் நிகழ்வுகள், கேரளாவில் அதிகம் நடப்பதாக செய்திகள் வெளியாகின. இதுகுறித்து கேள்வி எழுப்பப் பட்டது. அதற்கு பதிலளித்த மத்திய உள்துறை அமைச்சகம், கேரளாவில் லவ் ஜிகாத் வழக்குகள் இல்லை என்று கேரளா உயர் நீதிமன்றம் கூறியுள்ளது. அதேபோல லவ் ஜிஹாத் என்ற வார்த்தையும் இல்லை என பதில் அளித்துள்ளது.


Share this News:

Leave a Reply