தோஹா (11 டிச 2022): கத்தார் உலகக் கோப்பை கால்பந்து போட்டி முன் எப்போதும் இல்லாத அளவுக்கு பல சுவாரஸ்யங்களை உள்ளடக்கியுள்ளது.
ஜாம்பாவான்களை வெளியே அனுப்பிவிட்டு மொராக்கோ அணி அரையிறுதிக்குள் நுழைந்து ஆச்சர்யப்படுத்தியுள்ளது. இந்நிலையில் அந்த அணியின் நட்சத்திர வீரராக கருதப்படும் 24 வயது அஷ்ரஃப் ஹக்கீமி குறித்து பல சுவாரஸ்ய தகவல்கள் வெளியாகியுள்ளன.
நேற்றைய காலிறுதி முந்தைய போட்டியில் ஸ்பெயின் அணிக்கு எதிராக பெனால்டி சூட்டில் கோல் அடித்து மொராக்கோ காலிறுதிக்குள் நுழைய மிக முக்கிய காரணமாக இருந்தார் ஹக்கீமி. அந்த வெற்றிக்குப் பிறகு பார்வையாளராக இருந்த தனது தாயிடம் வெற்றியை பகிர்ந்து கொண்ட புகைப்படம் வைரலானது.
8 வயது முதலே கால்பந்து விளையாட்டில் ஆர்வமாக காணப்பட்ட ஹக்கீமியின் தந்தை தெருவோர கடையில் வியாபாரம் செய்து வந்தவர். அவரது அம்மா வீட்டு வேலை செய்து பிழைப்பு நடத்தியவர். தற்போது கால்பந்து ரசிகர்களின் முக்கியமாக இளைஞர்களின் ரோல் மாடலாகா காட்சி தருகிறார்.