சென்னை அம்மா உணவகத்தில் இலவச உணவு நிறுத்தம்!

சென்னை (01 ஜூன் 2020): கொரோனா வைரஸ் ஊரடங்கையொட்டி, அம்மா உணவகங்களில் இலவசமாக வழங்கப்பட்டு வந்த உணவை சென்னை மாநகராட்சி நிறுத்தம் செய்துள்ளது.

கொரோனா வைரஸ் தாக்கம் காரணமாக, ஊரடங்கு அமல்படுத்தப்பட்டுள்ள நிலையில், ஏழை-எளிய மக்‍கள் மற்றும் தொழிலாளர்களுக்கு அம்மா உணவகங்களில் கட்டணம் வசூலிக்‍காமல் இலவசமாக உணவு வழங்கப்பட்டது. ஆனால், இந்த இலவச உணவுக்‍கு, 4-ம் கட்ட ஊரடங்கு நீட்டிப்பின்போது கட்டணம் வசூலிக்‍கப்பட்டது.

இதைப் படிச்சீங்களா?:  அமைச்சருக்கு கொரோனா - அதிர்ச்சியில் அதிமுக!

இதையடுத்து தமிழக அரசுக்‍கு கடும் கண்டனங்கள் எழுந்த நிலையில், மே 31-ம் தேதி வரை சென்னையில் உள்ள அம்மா உணவகங்களில் இலவச உணவு வழங்கப்படும் என தமிழக அரசு அறிவித்தது. இந்நிலையில், சென்னையின் 15 மண்டலங்களில் உள்ள 407 அம்மா உணவகங்களிலும், விலையில்லாமல் வழங்கப்பட்டு வந்த உணவை சென்னை மாநாகராட்சி நிறுத்தியுள்ளது.