புதுடெல்லி (08 ஜூன் 2020): டெல்லி முதலமைச்சர் அரவிந்த் கெஜ்ரிவால் உடல்நிலை சரியில்லாமல் இருப்பதால் கொரோனா வைரஸ் பரிசோதனைக்கு உட்படுத்தப்படுவார். என்று தகவல்கள் தெரிவிக்கின்றன.
அரவிந்த் கெஜ்ரிவால் காய்ச்சல் மற்றும் தொண்டை புண் இவற்றால் பாதிக்கப்பட்டு தற்போது தனிமைபடுத்தப்பட்டுள்ளர். இதனை அடுத்து அவருக்கு செவ்வாய்க்கிழமை கொரோனா பரிசோதனை செய்யப்படும் என தகவல்கள் தெரிவிக்கின்றன.
கெஜ்ரிவால் ஞாயிற்றுக்கிழமை காலை நடைபெற்ற அமைச்சரவைக் கூட்டத்தில் கலந்து கொண்டதாகவும், அதன்பிறகு காய்ச்சல் மற்றும் தொண்டை வலி காரணமாக அவர் எந்தக் கூட்டத்திலும் கலந்து கொள்ளவில்லை என்றும் அதிகாரிகள் தெரிவித்தனர்.
டெல்லியில் மொத்தம் 28,936 கொரோனா வைரஸ் வழக்குகள் பதிவாகியுள்ளன, இதுவரை 812 பேர் இறந்துள்ளனர். இதற்கிடையில், இந்தியாவில் கொரோனா வைரஸ் வழக்குகள் ஞாயிற்றுக்கிழமை கிட்டத்தட்ட 10,000 அதிகரித்துள்ளன.
மொத்த கொரோனா வைரஸ் வழக்கு 2.56 லட்சத்திற்கும் அதிகமாக உள்ளது. இறந்தவர்களின் எண்ணிக்கையும் நாட்டில் 7,000 ஐ தாண்டியுள்ளமை குறிப்பிடத்தக்கது.
