கங்கனா ரனாவத்தின் பதிவுகள் மீது ட்விட்டர் அதிரடி நடவடிக்கை!

புதுடெல்லி (05 பிப் 2021): நடிகை கங்கனா ரனாவத்தின் விவசாயிகளுக்கு எதிரான பதிவுகளை நீக்கம் செய்து ட்விட்டர் நிர்வாகம் அதிரடி நடவடிக்கை எடுத்துள்ளது.

டெல்லி விவசாயிகள் போராட்டம் சர்வதேச அளவில் கவனம் ஈர்த்துள்ளது. பலர் சர்வதேச பிரபலங்கள் விவசாயிகளுக்கு ஆதரவு தெரிவித்து கருத்து தெரிவித்து வருகின்றனர்.

இந்நிலையில் இந்திய அணி தொடக்க வீரர் ரோகித் சர்மா விவசாயிகள் போராட்டம் குறித்து தனது டுவிட்டரில், ’நாம் அனைவரும் ஒன்றாக இருக்கும்போது இந்தியா வலுவாக இருக்கிறது. விவசாயிகள் பிரச்சினைக்கு தீர்வு காண வேண்டிய நேரம் இது. நாட்டின் முன்னேற்றத்தில் விவசாயிகள் முக்கிய பங்கு வகிக்கின்றனர். அனைவரும் ஒன்றாக ஒரு தீர்வைக் கண்டுபிடிப்பதில் தங்கள் பங்கை வகிப்பார்கள் என்று நம்புகிறேன்’ என்று கருத்து பதிவிட்டு இருந்தார்.

ரோகித் சர்மாவின் இந்த கருத்துக்கு இந்தி நடிகை கங்கனா ரனாவத் கோபமாக பதில் அளித்திருந்தார். அதில், ’இந்த கிரிக்கெட் வீரர்கள் அனைவரும் ஏன் டோனியின் அருகே நாய்களைப் போல குரைக்கிறார்கள். விவசாயிகளின் நலனுக்காக கொண்டுவரப்பட்ட புரட்சி கர சட்டங்களை விவசாயிகளே ஏன் எதிர்க்கிறார்கள்?’ என்று பதிவிட்டிருந்தார். மேலும், மோதல்களுக்கு காரணமானவர்களை தீவிரவாதிகள் என்று மீண்டும் விமர்சித்தார்.

கங்கனா பதிவிட்ட இந்த கருத்து சர்ச்சையானதால் சில நிமிடங்களில் டுவிட்டர் அதனை நீக்கியது. அவரது கருத்து, வெறுப்பு பிரசாரம் என கூறி அதனை டுவிட்டர் நிர்வாகம் நீக்கியுள்ளது. “டுவிட்டர் விதிகளை மீறும் வகையிலான டுவிட்களின் மீது நாங்கள் நடவடிக்கை எடுத்துள்ளோம்” என்று கங்கனா பதிவிட்ட இரு டுவிட்களை குறிப்பிட்டு உள்ளது.

ஹாட் நியூஸ்:

ஜெயலலிதா இறந்த நாள் நல்ல நாளா? எடப்பாடியை கலாய்க்கும் நெட்டிசன்கள்!

சென்னை (06 டிச 2022): ஜெயலலிதா இறந்த நாளான நேற்று அவரது நினைவு நாள் அனுசரிக்கப் பட்டது. இந்நிலையில் அதிமுக சார்பில் ஒபிஎஸ், இபிஎஸ் தனித்தனீஆக ஜெயலலிதாவின் சமாதியில் அஞ்சலி செலுத்தினர். பின்னர் எடப்பாடி...

துபாய் ஷாப்பிங் திருவிழா டிசம்பர் 15 ல் தொடக்கம்!

துபாய் (06 டிச 2022): துபாய் ஷாப்பிங் திருவிழா இம்மாதம் 15ம் தேதி தொடங்குகிறது. ஷாப்பிங் திருவிழாவை ஒட்டி, இம்முறையும் சலுகைகள் அறிவிக்கப்பட்டுள்ளன துபாய் ஷாப்பிங் திருவிழா ஜனவரி 15 முதல் ஜனவரி 29...

புனித மக்காவில் உம்ரா செய்யும் நடிகர் ஷாரூக்கான்!

ஜித்தா (02 டிச 2022): பாலிவுட் நடிகர் ஷாரூக்கான் உம்ரா செய்வதற்காக புனித மக்காவிற்க்கு சென்றுள்ளார். மக்கா வந்துள்ள ஷாரூக்கானுடன் ரசிகர்கள் மிகுந்த ஆர்வத்துடன் செல்ஃபிக்கள் எடுத்துள்ளனர். அல்லாஹ் அவருடைய பிரார்த்தனைகளைக் கேட்பானாக. அவருக்கும்...