நாட்டையே உலுக்கிய டெல்லி கூட்டு பலாத்கார வழக்கு இன்றுடன் 10 ஆண்டுகள் நிறைவடைகிறது. ஒரு பெண்ணுக்கு நீதி கிடைக்க நாடு ஒன்று சேர்ந்ததையும் இந்த நாள் நினைவூட்டுகிறது. ஏழு வருட சட்டப் போராட்டத்திற்குப் பிறகு குற்றவாளிகள் தண்டிக்கப்பட்டனர்.
டிசம்பர் 16, 2012 அன்று, அந்தக் கொடூரம் நாட்டையே உலுக்கியது. இரவில் தனது தோழியுடன் பஸ்சுக்காக காத்திருந்த 26 வயது மருத்துவ மாணவி ஒருவர் அந்த வழியாக சென்ற பஸ்சில் ஏறினார்.
அதில் டிரைவர் உட்பட ஆறு பேர் இருந்தனர். அந்த கும்பல் மாணவியையும், அவரது ஆண் நண்பரையும் அடித்து கொடூரமாக சித்திரவதை செய்துள்ளனர்.
மருத்துவமனையில் உயிருக்குப் போராடிய மாணவி டிசம்பர் 29ஆம் தேதி உலகை விட்டு விடைபெற்றார். இந்த சம்பவம் நாடு முழுவதும் கடும் எதிர்ப்புகளை கிளப்பியது.
இந்த வன்செயலில் குற்றம் சாட்டப்பட்டவர்கள் பேருந்து ஓட்டுநர் ராம் சிங், சம்பவத்தன்று பேருந்தை ஓட்டிய அவரது சகோதரர் முகேஷ் சிங், உடற்பயிற்சி கூடத்தில் பணிபுரியும் வினய் சர்மா, பழ விற்பனையாளர் பவன் குப்தா, அக்ஷய் தாக்கூர் மற்றும் ஒரு மைனர்.
கைது செய்யப்பட்ட குற்றவாளிகளுக்கு மரண தண்டனை வழங்க வேண்டும் என மக்கள் கோரிக்கை விடுத்தனர்.
குற்றம் சாட்டப்பட்டவர்களில் ஒருவரான ராம்சிங் சிறையில் தற்கொலை செய்துகொண்டார். மற்றொரு குற்றம் சாட்டப்பட்டவர் மைனர் என்பதால் மூன்று வருட சிறைவாசத்திற்குப் பிறகு சிறையில் இருந்து விடுவிக்கப்பட்டார்.
இதையடுத்து, நான்கு பேரையும் தூக்கிலிட விரைவு நீதிமன்றம் தீர்ப்பு வழங்கியது., மறுஆய்வு மனுவை உச்சநீதிமன்றம் நிராகரித்தது. தூக்கு தண்டனைக்கு முந்தைய நாள் வரை, கருணை மனுக்கள், மறுஆய்வு மனுக்கள் மற்றும் சீர்திருத்த மனுக்கள் உட்பட மரண தண்டனையைத் தவிர்ப்பதற்கான சட்டத்தால் அனுமதிக்கப்பட்ட அனைத்து வழிகளையும் குற்றம் சாட்டப்பட்டவர் முயற்சித்தார்.
ஆனால், மார்ச் 20, 2020 அன்று அதிகாலை 5.30 மணியளவில் குற்றவாளிகள் நான்கு பேரும் தூக்கிலிடப்பட்டனர்.
